മുംബൈ: മൂന്ന് പ്രധാന പുരസ്‌കാരങ്ങള്‍ നേടി 'ദംഗല്‍' 62-ാമത് ഫിലിം ഫെയര്‍ അവാര്‍ഡില്‍ തിളങ്ങി. മികച്ച ചിത്രം, മികച്ച നടന്‍, മികച്ച സംവിധായകന്‍ എന്നീ പുരസ്‌കാരങ്ങളാണ് 'ദംഗല്‍' നേടിയത്.ആമിര്‍ ഖാനാണ് മികച്ച നടന്‍. 'ദംഗലി'ന്റെ സംവിധായകന്‍ നിതേഷ് തിവാരി മികച്ച സംവിധായകനുമായി. 'ഉഡ്താ പഞ്ചാബി'ലെ അഭിനയത്തിന് ആലിയാ ഭട്ട് മികച്ച നടിയായി തിരഞ്ഞെടുക്കപ്പെട്ടു.
സെന്‍സര്‍ ബോര്‍ഡ് തീരുമാനങ്ങളില്‍ രാഷ്ട്രീയമായി ഏറെ ചര്‍ച്ചചെയ്യപ്പെട്ട ചിത്രം 'ഉഡ്താ പഞ്ചാബും' ആലിയയുടേതടക്കം നാല് അവാര്‍ഡുകള്‍ നേടി.