കൊച്ചി : കേന്ദ്ര സര്‍ക്കാരിന്റെ മാര്‍ഗ നിര്‍ദേശങ്ങള്‍ക്കു വിരുദ്ധമായി റബര്‍ ബോര്‍ഡില്‍ തയാറാക്കിയ സ്ഥാനക്കയറ്റ പട്ടിക നിയമ വിരുദ്ധമാണെന്ന് വ്യക്തമാക്കി ഹൈക്കോടതി റദ്ദാക്കി. കേന്ദ്ര മാര്‍ഗനിര്‍ദ്ദേശ പ്രകാരമുള്ള പ്രൊമോഷന്‍ നടപടികള്‍ രണ്ടുമാസത്തിനുള്ളില്‍ സ്വീകരിക്കണമെന്നും ഉത്തരവില്‍ ചൂണ്ടിക്കാട്ടി.
ബോര്‍ഡിലെ ഡെവലപ്പ്‌മെന്റ് ഓഫിസര്‍മാരുടെസ്ഥാനക്കയറ്റം ഉള്‍പ്പെടെയുള്ള നടപടികള്‍ ഹരജിയില്‍ ചോദ്യം ചെയ്തിരുന്നു. ഉദ്യോഗസ്ഥരുടെ കോണ്‍ഫിഡന്‍ഷ്യല്‍ റിപ്പോര്‍ട്ടു വിലയിരുത്തി സീനിയോറിറ്റി കണക്കിലെടുത്തു പ്രൊമോഷന്‍ നല്‍കണമെന്നാണ് കേന്ദ്ര സര്‍ക്കാരിന്റെ മാര്‍ഗനിര്‍ദേശം. എന്നാല്‍ ഈ നടപടിക്രമങ്ങള്‍ പാലിക്കാതെ റബര്‍ ബോര്‍ഡ് കരട് റിക്രൂട്ട്‌മെന്റ് ചട്ടം ഉണ്ടാക്കിയെന്നും ഇത് നിയമവിരുദ്ധമാണെന്നും ഹരജിയില്‍ പറയുന്നു.