കെയ്‌റോ: ഈജിപ്റ്റിലെ അല്‍നഖാബിലെ ന്യൂവാലി പ്രവിശ്യയില്‍ സുരക്ഷാ ചെക്ക്‌പോസ്റ്റിനു നേരെയുണ്ടായ തീവ്രവാദി ആക്രമണത്തില്‍ എട്ടു പോലീസുകാര്‍ കൊല്ലപ്പെട്ടു. മൂന്നു പൊലീസുകാര്‍ക്കു പരുക്കേറ്റിട്ടുണ്ട്. കാര്‍ഗ നഗരത്തില്‍ നിന്ന് 70 കി.മി അകലെയാണ് സംഭവം. പ്രാദേശിക സമയം തിങ്കളാഴ്ച രാത്രി എട്ടു മണിയോടെയാണ് ആക്രമണമുണ്ടായത്. ഏറ്റുമുട്ടലില്‍ രണ്ടു ഭീകരരും കൊല്ലപ്പെട്ടതായി അധികൃതര്‍ പറഞ്ഞു. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.