അഹമ്മദാബാദ്: ഗുജറാത്തിലെ സംവരണസമര നേതാവ് ഹാര്‍ദിക് പട്ടേല്‍ ഗുജറാത്തില്‍ മടങ്ങിയെത്തി. രാജസ്ഥാനിലെ ഉദയ്പൂരില്‍ നിന്നും ആറു മാസങ്ങള്‍ക്കു ശേഷമാണ് ഹാര്‍ദിക് പട്ടേല്‍ ഗുജറാത്തിലേക്ക് മടങ്ങിയെത്തുന്നത്. രാജ്യദ്രോഹക്കുറ്റം ചുമത്തപ്പെട്ട് ഒന്‍പതു മാസം ജയില്‍വാസം അനുഭവിച്ച അദ്ദേഹം കഴിഞ്ഞ ജൂലൈയില്‍ ജയില്‍ മോചിതനായിരുന്നു.
അന്നത്തെ ജാമ്യവ്യവസ്ഥ പ്രകാരം ആറു മാസം ഗുജറാത്തിനു പുറത്തു കഴിയണമെന്നായിരുന്നു വ്യവസ്ഥ. ഇതുപ്രകാരം 23 കാരനായ ഹാര്‍ദിക് കഴിഞ്ഞ ആറു മാസമായി ഉദയ്പൂരിലാണ് കഴിഞ്ഞത്. ഗുജറാത്തിലെത്തിയ ഹാര്‍ദിക് പട്ടേലിന് രാജസ്ഥാന്‍ അതിര്‍ത്തിയായ രത്‌നാപ്പൂരില്‍ വന്‍ സ്വീകരണമാണ് ലഭിച്ചത്.
രത്‌നാപ്പൂരില്‍ സംഘടിപ്പിച്ച സ്വീകരണയോഗത്തില്‍ പട്ടേല്‍ സമുദായത്തിലെ നൂറുകണക്കിന് യുവാക്കളുള്‍പ്പടെ നിരവധിപേര്‍ എത്തി.