കോഴിക്കോട്: ഡി.വൈ.എഫ്.ഐ ജില്ലാ കമ്മിറ്റിയുടെ നേതൃത്വത്തില്‍ 'നാമൊന്ന് ' മതേതര കൂട്ടായ്മ സംഘടിപ്പിച്ചു.
സി.ഐ.ടി.യു സംസ്ഥാന ജനറല്‍ സെക്രട്ടറി എളമരം കരീം ഉദ്ഘാടനം ചെയ്തു. ചടങ്ങില്‍ ഡി.വൈ.എഫ്.ഐ ജില്ലാ പ്രസിഡന്റ് എസ്.കെ സജീഷ് അധ്യക്ഷനായി. ചിത്രകാരന്മാരായ കബിതാ മുഖോപാധ്യായ, അഭിലാഷ് തിരുവോത്ത് എന്നിവര്‍ ഫാസിസ്റ്റ് ഭീകരതക്കെതിരായി കാന്‍വാസില്‍ ചിത്രം വരച്ചു.
ഗാനരചയിതാവ് കൈതപ്രം ദാമോദരന്‍ നമ്പൂതിരി, ഹൈദരാബാദ് യൂനിവേഴ്‌സിറ്റി യൂനിയന്‍ അംഗം സുഹൈല്‍, ഡി.വൈ.എഫ്.ഐ സംസ്ഥാന സെക്രട്ടറി ബാലവേലന്‍ സംബന്ധിച്ചു. ജില്ലാ സെക്രട്ടറി പി. നിഖില്‍ സ്വാഗതവും ട്രഷറര്‍ വി. വസീഫ് നന്ദിയും പറഞ്ഞു.