കോട്ടയം: റിപ്പബ്ലിക് ദിനത്തില്‍ 'സുരക്ഷിതം ഇന്ത്യ ഈ കരങ്ങളില്‍' എന്ന പ്രമേയത്തില്‍ സമസ്ത കേരള സുന്നി ബാലവേദി സംസ്ഥാന വ്യാപകമായി നടത്തുന്ന ബാല ഇന്ത്യയുടെ ജില്ലാതല പരിപാടിയും പൊതുസമ്മേളനവും കോട്ടയത്ത് നടക്കും.
ജനപ്രതിനിധികള്‍, മത സാമൂഹിക രംഗത്തെ പ്രമുഖര്‍ പരിപാടിയില്‍ സംബന്ധിക്കുമെന്ന് എസ്.കെ.എസ്.ബി.വി സംസ്ഥാന ജോ. സെക്രട്ടറി സഅ്ദലി കോട്ടയം, ജില്ലാ പ്രസിഡന്റ് മുഹമ്മദ് സുഹൈല്‍ ചങ്ങനാശ്ശേരി, കണ്‍വീനര്‍ എ.മാഹിന്‍ അബൂബക്കര്‍ ഫൈസി കാക്കാഴം, എസ്.കെ.ജെ. എം ജില്ലാ പ്രസിഡന്റ് മുഹമ്മദ് ബഷീര്‍ അല്‍ ഖാസിമി, ജനറല്‍ സെക്രട്ടറി മുഹമ്മദ് അലി കാശിഫി എന്നിവര്‍ സംയുക്ത പ്രസ്താവനയില്‍ അറിയിച്ചു.