മിലാന്‍: ഇറ്റാലിയന്‍ കപ്പില്‍ ബോളോഗ്നയെ രണ്ടിനെതിരേ മൂന്നു ഗോളുകള്‍ക്ക് പരാജയപ്പെടുത്തി ഇന്റര്‍ മിലാന്‍ ക്വാര്‍ട്ടറില്‍ കടന്നു. അധികസമയത്തേക്ക് നീണ്ട മത്സരത്തില്‍ അന്റോണിയോ കാന്‍ഡ്രെവയുടെ ഗോളിലാണ് ഇന്റര്‍ യോഗ്യത നേടിയത്. ജെയ്‌സന്‍ മുറില്ലോ, റോഡ്രിഗോ പലാഷ്യോ എന്നിവരുടെ ഗോളില്‍ ആദ്യ പകുതിയില്‍ മുന്നിലെത്തിയ ഇന്ററിനെ സിമെയ്‌ലി, ഡോന്‍സാ എന്നിവരുടെ ഗോളില്‍ നിശ്ചിത സമയത്ത് സമനിലയില്‍ കുരുക്കാന്‍ ബോളോഗ്നയ്ക്ക് സാധിച്ചു. എന്നാല്‍ കാന്‍ഡ്രെവയുടെ മികവ് ഇന്ററിനെ ക്വാര്‍ട്ടറിലെത്തിക്കുകയായിരുന്നു.