വടക്കാഞ്ചേരി: സംസ്ഥാനപാതയില്‍ ധനലക്ഷ്മി ബാങ്കിന് സമീപം ബൈക്കുകള്‍ കൂട്ടിയിടിച്ച് നാല് യുവാക്കള്‍ക്ക് പരുക്കേറ്റു. മംഗലം വടക്കൂട്ട് വീട്ടില്‍ വിന്നര്‍ (22), തൈക്കാടന്‍ വീട്ടില്‍ ഷിജോ (25), കാലടി ആളുപറമ്പില്‍ റിനേഷ് (35), കരുമത്ര പാക്കിയില്‍ വീട്ടില്‍ രതീഷ് (35) എന്നിവര്‍ക്കാണ് പരുക്കേറ്റത്. ഇതില്‍ റിനേഷ്, രതീഷ് എന്നിവരുടെ പരുക്ക് ഗുരുതരമാണ്. കഴിഞ്ഞ രാത്രിയില്‍ ഒമ്പതരയോടെയാണ് സംഭവം. ബൈക്കുകള്‍ നേരിട്ട് കൂട്ടിയിടിക്കുകയായിരുന്നു. റോഡിലേക്ക് തെറിച്ച് വീണ യുവാക്കളെ വടക്കാഞ്ചേരിയില്‍ നിന്നെത്തിയ ആക്ട്‌സ് പ്രവര്‍ത്തകര്‍ ചേര്‍ന്ന് മുളങ്കുന്നത്ത്കാവ് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.