പറവൂര്‍: തിരുവിതാംകൂര്‍ ദേവസ്വം ബോര്‍ഡ് എംപ്ലോയീസ് കോണ്‍ഫെഡറേഷന്റേയും ദേവസ്വം വെല്‍ഫെയര്‍ സൊസൈറ്റിയുടേയും ആഭിമുഖ്യത്തില്‍ പറവൂര്‍ ഗ്രൂപ്പിലെ ദേവസ്വം ജീവനക്കാരുടെ കുടുംബസംഗമം നടന്നു. സി.പി.എം ഏരിയ സെക്രട്ടറി ടി.ജി അശോകന്‍ സമ്മേളനം ഉദ്ഘാടനം ചെയ്തു. ചേന്ദമംഗലം രഘു അധ്യക്ഷത വഹിച്ചു. പി.ഡി ഉദയന്‍ സ്വാഗതം പറഞ്ഞു. ആര്‍ ഷാജി ശര്‍മ, മധു സി വാര്യര്‍, ടി അജിത് കുമാര്‍, കെ.എ ശിവപ്രസാദ്, ജി. ജയശങ്കര്‍, സി.ടി അനില്‍ കുമാര്‍, കെ.കെ പത്മനാഭന്‍, ശിവന്‍ പാലമറ്റം, കെ.ബി സുരേഷ് ബാബു, എം.കെ സുനില്‍, എം.എസ് സന്തോഷ് എന്നിവര്‍  സംസാരിച്ചു. സീനിയര്‍ കലാകാരനെയും സീനിയര്‍ ജീവനക്കാരനേയും പെന്‍ഷന്‍ പറ്റിയ ജീവനക്കാരേയും ആദരിച്ചു.
ഇതേവരെ ദേവസ്വം ബോര്‍ഡില്‍ നല്‍കിയിട്ടില്ലാത്ത ശമ്പള പരിഷ്‌കാരം ഉടനെ നടപ്പാക്കാന്‍ വേണ്ടി സര്‍ക്കാര്‍ ഇടപെടണമെന്ന് ഈ കുടുംബസംഗമം ആവശ്യപ്പെട്ടു.