കൊണ്ടോട്ടി: വിവിധ ആവശ്യങ്ങളുന്നയിച്ചു കരിപ്പൂര്‍ വിമാനത്താവളത്തിലെ ശുചീകരണ തൊഴിലാളികള്‍ 27 മുതല്‍ സമരത്തിലേക്ക്. വിമാനത്താവളത്തിലെ സണ്‍റൈസ് കമ്പനിക്ക് കീഴിലെ 126 തൊഴിലാളികളാണ് വിവിധ ട്രേഡ് യൂനിയനുകളുടെ സഹകരണത്തോടെ സമരത്തിനിറങ്ങുന്നത്. ദിനേന 270 രൂപമാത്രമാണ് തൊഴിലാളിക്ക് വേതനമായി ലഭിക്കുന്നത്. ഇതില്‍നതന്നെ പലപ്പോഴും കുറവ് വരുത്തുന്നുണ്ടെന്നു തൊഴിലാളികള്‍ പറയുന്നു. മുന്‍ കരാറുകാരെല്ലാം തൊഴിലാളികള്‍ക്ക് വേതനം അടക്കം നല്‍കിയിരുന്നു. നിലവിലെ കരാര്‍ കമ്പനി തൊഴിലാളികളെ ആനുകൂല്യങ്ങളടക്കം നല്‍കാത്തതിനെതിരേയാണ് സമരം.