ശ്രീകണ്ഠപുരം: പണം വച്ചു ചീട്ടുകളിയില്‍ ഏര്‍പ്പെട്ട ഏഴു പേരെ ശ്രീകണ്ഠപുരം എസ്.ഐ പി.ബി സജീവ് അറസ്റ്റു ചെയ്തു. ശ്രീകണ്ഠപുരം പുഴക്കരയില്‍ ചീട്ടു കളിക്കുകയായിരുന്ന പൊടിക്കളത്തെ കുറ്റിയില്‍ മജീദ് (48), ഇരിക്കൂര്‍ ആയിപ്പുഴയിലെ മാച്ചേരി ഹംസ (50), കൊയ്യം സ്വദേശികളായ കൊവ്വല്‍ പുതിയപുരയില്‍ സാദത്ത് (38), കൈപ്പക്കണ്ടി മുനീര്‍ (38) എന്നിവരെയും ഐച്ചേരി ടെലിഫോണ്‍ എക്‌സേഞ്ചിനു പിറകിലുള്ള റബര്‍ തോട്ടത്തില്‍ ചീട്ടു കളിക്കുകയായിരുന്ന ഐച്ചേരിയിലെ തെക്കന്‍ പുതിയവീട്ടില്‍ മനോജ് (40), മാടത്താനിയില്‍ ശശിധരന്‍ (65), പറമ്പന്‍മാരകത്ത് അബ്ദു റഹ്മാന്‍ (62) എന്നിവരെയുമാണ് അറസ്റ്റ് ചെയ്തത്. ശ്രീകണ്ഠപുരത്തു നിന്നു 1450 രൂപയും ഐച്ചേരിയില്‍ നിന്ന് 900 രൂപയുമാണ് പിടികൂടിയത്.