കോഴിക്കോട്: കീഴരിയൂര്‍ ബോംബ് കേസ് പ്ലാറ്റിനം ജൂബിലി ആഘോഷത്തിന്റെ ഉദ്ഘാടനം നാളെ വൈകിട്ട് മൂന്നിന് കീഴരിയൂര്‍ ഫ്രീഡം ഫൈറ്റേഴ്‌സ് സ്റ്റേഡിയത്തില്‍ നടക്കുമെന്ന് ഡി.സി.സി പ്രസിഡന്റ് അഡ്വ. ടി. സിദ്ദീഖ് വാര്‍ത്താസമ്മേളനത്തില്‍ അറിയിച്ചു. ജില്ലാ കോണ്‍ഗ്രസ് കമ്മിറ്റിയും കീഴരിയൂര്‍ ബോംബ് കേസ് അനുസ്മരണ സമിതിയും ചേര്‍ന്നാണ് പരിപാടി സംഘടിപ്പിക്കുന്നത്.
മുന്‍ മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്യും. മെഗാ മെഡിക്കല്‍ ക്യാംപ്, സ്വാതന്ത്ര്യസമര സേനാനി സംഗമം, സാംസ്‌കാരിക സായാഹ്നം, മഹിളാ കോണ്‍ഗ്രസ് സമ്മേളനം, ദേശീയ സെമിനാര്‍ തുടങ്ങിയ പരിപാടികള്‍ പ്ലാറ്റിനം ജൂബിലിയുടെ ഭാഗമായി നടക്കും. എ.കെ ആന്റണി, എം.എം ഹസന്‍, രമേശ് ചെന്നിത്തല പങ്കെടുക്കും. അഡ്വ. പ്രവീണ്‍കുമാര്‍, രാജേഷ് കീഴരിയൂര്‍, എടത്തില്‍ രാമചന്ദ്രന്‍ പങ്കെടുത്തു.