കണ്ണൂര്‍: മന്തുരോഗ നിര്‍മാര്‍ജനം ലക്ഷ്യമാക്കി നടപ്പാക്കുന്ന ദേശീയ മന്തുരോഗ സമൂഹ ചികിത്സാ പരിപാടിയുടെ ജില്ലാതല ഉദ്ഘാടനം നാളെ രാവിലെ 10ന് കക്കാട് കാനന്നൂര്‍ സ്പിന്നിങ് ആന്റ് വീവിങ് മില്ലില്‍ ജില്ലാ പഞ്ചായത്ത് പ്രസി. കെ.വി സുമേഷ് നിര്‍വഹിക്കും.
അഡ്വ. ഇന്ദിര പ്രേമാനന്ദ് അധ്യക്ഷയാകും. കലക്ടര്‍ മീര്‍ മുഹമ്മദലി മുഖ്യാതിഥിയാവും. ഡി.എം.ഒ ഡോ. കെ നാരായണ നായിക് മുഖ്യപ്രഭാഷണം നടത്തും.
ജില്ലയിലെ ഇതര സംസ്ഥാന തൊഴിലാളികള്‍ക്കും മന്തുരോഗ സാധ്യത കൂടുതലുള്ള പ്രദേശത്തെ തദ്ദേശവാസികള്‍ക്കും ജനുവരി 3 മുതല്‍ 6 വരെയുള്ള ദിവസങ്ങളില്‍ ഒരു ഡോസ് ഡി.ഇ.സി, ആല്‍ബന്റസോള്‍ ഗുളികകള്‍ നല്‍കുന്നതാണ് പദ്ധതി.