കൊല്ലം: അറബിക് സര്‍വകലാശാല യാഥാര്‍ഥ്യമാക്കുകയും കേന്ദ്ര സര്‍ക്കാര്‍ നല്‍കിയിരുന്ന മദ്രസാ ഫണ്ട് വിതരണം പുനരാരംഭിക്കുകയും ചെയ്യുന്നതുള്‍പ്പെടെ മുസ്‌ലിം ന്യൂനപക്ഷങ്ങളുടെ അവകാശങ്ങള്‍ ഉടന്‍ അനുവദിക്കണമെന്ന് കൊല്ലത്ത് ചേര്‍ന്ന കേരള മുസ്‌ലിം ജമാഅത്ത് ഫെഡറേഷന്‍ സംസ്ഥാന കമ്മറ്റി യോഗം സര്‍ക്കാരിനോട് ആവശ്യപ്പെട്ടു.

സമുദായത്തിന്റെ അവകാശങ്ങള്‍ അനുവദിക്കണമെന്നാവശ്യപ്പെട്ടുകൊണ്ട് മുഖ്യമന്ത്രിയേയും ഇതര മന്ത്രിമാരേയും നേരില്‍കണ്ട് ചര്‍ച്ച നടത്തുവാനും നിവേദനം നല്‍കുവാനും യോഗം തീരുമാനിച്ചു.
യോഗത്തില്‍ ജമാഅത്ത് ഫെഡറേഷന്‍ സംസ്ഥാന പ്രസിഡന്റ് കടയ്ക്കല്‍ അബ്ദുല്‍ അസീസ് മൗലവി അധ്യക്ഷനായി. ജനറല്‍ സെക്രട്ടറി അഡ്വ. കെ.പി. മുഹമ്മദ്, ഡോ. എ. യൂനുസ്‌കുഞ്ഞ് എക്‌സ് എം.എല്‍.എ., എം.എ. സമദ്, കുളത്തൂപ്പുഴ സലീം, കെ. എ. റഷീദ് പുനലൂര്‍, മണക്കാട് നുജുമുദ്ദീന്‍, കണ്ണനെല്ലൂര്‍ നിസാമുദ്ദീന്‍, മേക്കോണ്‍ അബ്ദുല്‍ അസീസ്, പോരുവഴി ഹുസൈന്‍ മൗലവി, റ്റി.ജെ. സലീം, അടൂര്‍ എ. റഷീദാലി, എം. നാസര്‍, പത്തനാപുരം ഷാജഹാന്‍, പുനലൂര്‍ അബ്ദുല്‍ റഹീം, അബ്ദുല്‍ നവാബ്, സാദിഖ് മൗലവി പ്രസംഗിച്ചു.