ദുബൈ: യു.എ.ഇ എസ്.കെ.എസ്.എസ്.എഫ് തൃശൂര്‍ ജില്ലാ കമ്മിറ്റിയുടെ ആഭിമുഖ്യത്തില്‍ പ്രവര്‍ത്തക സംഗമം നടത്തി. അബുദാബി ഇന്ത്യന്‍ ഇസ്‌ലാമിക് സെന്ററില്‍ നടന്ന സംഗമം അബ്ദുറഹ്മാന്‍ തങ്ങള്‍ അബുദാബി ഉദ്ഘാടനം ചെയ്തു. സലീം നാട്ടിക അധ്യക്ഷനായി.
ഹംസ ഉസ്താദ് അബുദാബി പ്രാര്‍ഥന നടത്തി. എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് അഡ്വ. ഓണംപിള്ളി മുഹമ്മദ് ഫൈസി തൃശൂര്‍ ജില്ലയിലെ സമസ്തയുടെ ആസ്ഥാന മന്ദിരമായ സമര്‍ഖന്ദ് കള്‍ച്ചറല്‍ സെന്റര്‍ പ്രൊജക്ട് പരിചയപ്പെടുത്തി.
കരീം ഹാജി അബുദാബി, അബുദാബി ഇന്ത്യന്‍ ഇസ്‌ലാമിക് സെന്റര്‍ മുന്‍ വൈസ് പ്രസിഡന്റ് ഹംസക്കുട്ടി സാഹിബ്, എം.ഐ.സി കൈപ്പമംഗലം ദുബൈ പ്രസിഡന്റ് മുസ്ഥഫ ഹാജി, യു.എ.ഇ നാഷനല്‍ തൃശൂര്‍ ജില്ലാ എസ്.കെ.എസ്.എഫ് പ്രസിഡന്റ് അബൂ ത്വാഹിര്‍ തങ്ങള്‍, ഷമീര്‍ പുത്തന്‍ചിറ, ഇര്‍ഷാദ് സംസാരിച്ചു.