മണ്ണാര്‍ക്കാട്: എം.ഇ.എസ് കല്ലടി കോളജ് നാളെ മുതല്‍ തുറന്ന് പ്രവര്‍ത്തിക്കാന്‍ കോളജില്‍ നടന്ന പി.ടി.എയുടെ അടിയന്തിര ജനറല്‍ ബോഡി തീരുമാനിച്ചു.
നിലവില്‍ കോളജ് എടുത്തിട്ടുളള അച്ചടക്ക നടപടികളിലും തീരുമാനങ്ങളിലും യോഗം സംതൃപ്തി രേഖപ്പെടുത്തുകയും കോളജിന്റെ യോഗത്തില്‍ അക്കാദമികവും ഭൗതികവുമായ പുരോഗതിക്ക് യോഗം പൂര്‍ണ പിന്തുണ പ്രഖ്യാപിക്കുകയും ചെയ്തു.
കോളജ് മാനേജിങ് കമ്മിറ്റി ചെയര്‍മാന്‍ കെ.സി.കെ സൈതാലി അധ്യക്ഷനായി.
പ്രിന്‍സിപ്പല്‍ ഡോ. ഒ.പി സലാഹുദ്ദീന്‍ ചര്‍ച്ചകള്‍ക്ക് വിശദീകരണം നല്‍കി.
കുമരംപുത്തൂര്‍ ഗ്രാമപഞ്ചായത്ത് പ്രസിഡന്റ് ഹുസൈന്‍ കോളശ്ശേരി, മണ്ണാര്‍ക്കാട് പൊലിസ് സബ് ഇന്‍സ്‌പെക്ടര്‍ വിപിന്‍ വേണുഗോപാല്‍, പി. നൗഷാദ്, വി.കെ അബൂബക്കര്‍, വി.വി ഷൗക്കത്തലി, മുരളീധരന്‍, കെ. കെ.എ അസീസ്, അബു വറോടന്‍, കെ. പ്രശോഭ്്, അനുരാഗ്, ഗിരീഷ് ഗുപ്ത, അഡ്വ. ശമീര്‍ പഴേരി , പ്രൊഫ. പി. സൈതലവി, പ്രൊഫ. കെ. ഗോപാലകൃഷ്ണന്‍ സംസാരിച്ചു.
പ്രൊഫ. ടി. സൈനുല്‍ ആബിദ് സ്വാഗതവും ഡോ.കെ.സഞ്ജീവ് കുമാര്‍ നന്ദിയും പറഞ്ഞു.