ചെര്‍പ്പുളശ്ശേരി: പട്ടിശ്ശേരി മഹല്ല് കമ്മിറ്റിയുടെ നേതൃത്വത്തില്‍ രണ്ടു ദിവസങ്ങളിലായി സംഘടിപ്പിച്ച സ്വലാത്ത് വാര്‍ഷികവും മജ്‌ലിസുന്നൂറും സമാപിച്ചു. പറപ്പൂര്‍ വാപ്പുട്ടി മുസ്‌ലിയാര്‍ ദുആക്ക് നേതൃത്വം നല്‍കി.
മഹല്ല് ഖത്തീബ് ഇബ്രാഹിം ഫൈസിയുടെ അധ്യക്ഷതയില്‍ മുശാവറ അംഗം നെല്ലായ ഉസ്താദ് ഉദ്ഘാടനം നിര്‍വഹിച്ചു.
ജി.എം. സ്വലാഹുദ്ദീന്‍ ഫൈസി വല്ലപ്പുഴ മുഖ്യപ്രഭാഷണം നടത്തി. മൂസ ഹാജി സ്വാഗതവും മുഹമ്മദ് മാസ്റ്റര്‍ നന്ദിയും പറഞ്ഞു. സമാപന ദിവസത്തില്‍ മുശാവറ അംഗം കെ.പി.സി.തങ്ങള്‍ ദുആ ക്ക് നേതൃത്വം നല്‍കി.
ഇബ്രാഹിം ഫൈസിയുടെ അധ്യക്ഷതയില്‍ മുദരിസ് സിദ്ധീഖ് റഹീമി ഉദ്ഘാടനം ചെയ്തു. ഉമര്‍ ബാഖവി തനിയാപുരം മുഖ്യപ്രഭാഷണം നടത്തി.
മഹല്ല് കാരണവന്‍മാരായ കുഞ്ഞി മണി ഹാജി, കുഞ്ഞാന്‍ ഹാജി, അഷ്‌റഫ് അന്‍വരി, ജലീല്‍ അന്‍വരി, അബു മുസ്‌ലിയാര്‍, കുഞ്ഞാലന്‍ ഫൈസി, ഇസ്മയില്‍ ദാരിമി, സൈതലവി അന്‍വരി, റഷീദ് സഖാഫി, മുഹമ്മദ് കുട്ടി മുസ്‌ലിയാര്‍, മുഹമ്മദാലി മുസ്‌ലിയാര്‍, ഖാലിദ് മുസ്‌ലിയാര്‍, ഹംസ മുസ്‌ലിയാര്‍ പങ്കെടുത്തു.
കുഞ്ഞലവി ഹാജി സ്വാഗതവും മുഹമ്മദ് അഷ്‌റഫി നന്ദിയും പറഞ്ഞു.