കണ്ണൂര്‍: കോട്ടുമല ബാപ്പുമുസ്‌ലിയാര്‍ ദീര്‍ഘവീക്ഷണമുള്ള പണ്ഡിതനായിരുന്നുവെന്നും പ്രവാചകന്‍മാരുടെ അനന്തരവകാശികളാണ് ഉലമാക്കള്‍ എന്ന തിരുവചനം തീര്‍ത്തും അന്വര്‍ഥമാക്കുന്ന പാണ്ഡിത്യവും കാഴ്ചപ്പാടും ബുദ്ധിസാമര്‍ഥ്യവും അദ്ദേഹത്തില്‍ സമ്മേളിച്ചിരുന്നുവെന്നും സമസ്ത വൈസ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍. സമസ്ത കേരള ജംഇയ്യത്തുല്‍ ഉലമ ജില്ലാകമ്മിറ്റി സംഘടിപ്പിച്ച കോട്ടുമല ബാപ്പുമുസ്‌ലിയാര്‍ അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. ആശയാദര്‍ശങ്ങളില്‍ വിട്ടുവീഴ്ചയില്ലാത്ത സമുദായത്തിന്റെ പൊതുപ്രശ്‌നങ്ങള്‍ കൈകാര്യം ചെയ്യുന്നതില്‍ ഒന്നാംനിരയില്‍ നിന്നു പ്രവര്‍ത്തിച്ച മഹാനായിരുന്നു ബാപ്പുമുസ്‌ലിയാരെന്നും അബ്ദുസലാം മുസ്‌ലിയാര്‍ വ്യക്തമാക്കി.
സമസ്ത സെക്രട്ടറി പി.പി ഉമര്‍ മുസ്‌ലിയാര്‍ അധ്യക്ഷനായി. എ ഉമര്‍ കോയ തങ്ങള്‍ പ്രാര്‍ഥനയ്ക്കു നേതൃത്വം നല്‍കി. മാണിയൂര്‍ അഹ്മദ് മുസ്‌ലിയാര്‍ അനുസ്മരണ പ്രഭാഷണം നടത്തി. കെ.കെ.പി അബ്ദുല്ല മുസ്‌ലിയാര്‍ ഖത്മുല്‍ ഖുര്‍ആന്‍ പ്രാര്‍ഥനയ്ക്കു നേതൃത്വം നല്‍കി. കെ.ടി അബ്ദുല്ല മുസ്‌ലിയാര്‍, കെ.പി.പി തങ്ങള്‍ അല്‍ബുഖാരി, അബ്ദുറഹ്മാന്‍ കല്ലായി, മാണിയൂര്‍ അബ്ദുറഹ്മാന്‍ ഫൈസി, എസ്.കെ ഹംസ ഹാജി, പാലത്തായി മൊയ്തുഹാജി, കെ.കെ മുഹമ്മദ് ദാരിമി, കെ.പി മുഹമ്മദ് മുസ്‌ലിയാര്‍, മുഹമ്മദ് ശരീഫ് ബാഖവി, എന്‍.പി മുഹമ്മദ് മുസ്‌ലിയാര്‍, അബ്ദുറഹ്മാന്‍ ഹൈത്തമി, മുഹമ്മദ് ഫൈസി, മലയമ്മ അബൂബക്കര്‍ ബാഖവി, എന്‍.പി കുഞ്ഞാലി ബാഖവി, ടി.വി അഹ്മദ് ദാരിമി, ഇ.കെ അഹ്മദ് ബാഖവി, കെ.എം അബ്ദുല്ല ദാരിമി, കെ.കെ മുഹമ്മദ്, അഹ്മദ് തേര്‍ളായി, പി.ടി മുഹമ്മദ്, ഇബ്രാഹിം ബാഖവി, ആര്‍ അബ്ദുല്ല ഹാജി, ബഷീര്‍ അസ്അദി, മുഹമ്മദ്ബ്‌നു ആദം സംബന്ധിച്ചു.