റായ്പൂര്‍: ഛത്തിസ്ഗഡിലെ നാരായണ്‍പൂര്‍ ജില്ലയില്‍ മാവോയിസ്റ്റുകളുമായുണ്ടായ ഏറ്റുമുട്ടലിനിടയില്‍ ഗുരുതരമായി പരുക്കേറ്റ പൊലിസുകാരന്‍ മരിച്ചു.
റായ്പൂരിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്ന പൊലിസ് കോണ്‍സ്റ്റബിള്‍ സന്തോഷ് മര്‍ക്കം(32)ആണ് മരിച്ചത്. നാരായണ്‍പൂരിലെ ഒര്‍ച്ച പൊലിസ് സ്റ്റേഷനില്‍ നിയമിതനായ ഇദ്ദേഹത്തിന് കൊഡേനാര്‍ വനമേഖലയില്‍ ക്യാംപ് ചെയ്ത മാവോയിസ്റ്റുകളെ തുരത്തുമ്പോഴുണ്ടായ ഏറ്റുമുട്ടലിനിടയിലാണ് വെടിയേറ്റത്. ഉടന്‍തന്നെ വിമാനമാര്‍ഗം ആശുപത്രിയില്‍ എത്തിച്ചെങ്കിലും രക്ഷിക്കാനായില്ലെന്ന് പൊലിസ് അറിയിച്ചു.