കണ്ണൂര്‍: തുല്യ ജോലിക്ക് തുല്യവേതനം സുപ്രീംകോടതി വിധി നടപ്പാക്കുക, മിനിമം കൂലി 18,000 രൂപയാക്കി പ്രഖ്യാപിക്കുക, ഇ.എസ്.ഐ മുഴുവന്‍ തൊഴിലാളികള്‍ക്കും ബാധകമാക്കുക തുടങ്ങിയ ആവശ്യങ്ങളുന്നയിച്ച് എ.ഐ.ടി.യു.സി ജില്ലാ കൗണ്‍സില്‍ നേതൃത്വത്തില്‍ രാപ്പകല്‍ സത്യഗ്രഹം തുടങ്ങി. സ്റ്റേഡിയം കോര്‍ണറില്‍ കേരള മഹിളാസംഘം സംസ്ഥാന ജനറല്‍ സെക്രട്ടറി അഡ്വ. പി വസന്തം ഉദ്ഘാടനം ചെയ്തു. സംഘാടക സമിതി ചെയര്‍മാന്‍ വെള്ളോറ രാജന്‍ അധ്യക്ഷനായി.
അഡ്വ. കെ.പി രാജേന്ദ്രന്‍, സി.എന്‍ ചന്ദ്രന്‍, അഡ്വ. പി സന്തോഷ് കുമാര്‍, ജെ ഉദയബാനു, മഹേഷ് കക്കത്ത്, വിജയന്‍ കുനിശ്ശേരി, താവം ബാലകൃഷ്ണന്‍, എം ഗംഗാധരന്‍ സംസാരിച്ചു. ഇന്നു വൈകുന്നേരം സമാപന സമ്മേളനം സംസ്ഥാന വൈസ് പ്രസിഡന്റ് കെ.വി കൃഷ്ണന്‍ ഉദ്ഘാടനം ചെയ്യും.