പരപ്പനങ്ങാടി: ചെട്ടിപ്പടി റെയ്ഞ്ച് ജംഇയ്യത്തുല്‍ മുഅല്ലിമീന്‍ മുഅല്ലിമീങ്ങള്‍ക്ക് നല്‍കുന്ന റമദാന്‍ കിറ്റിന്റെ വിതരണോദ്ഘാടനം കോഴിക്ക്‌കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നിര്‍വഹിച്ചു. റെയ്ഞ്ചിലെ പതിനഞ്ച് മദ്‌റസകളില്‍ നിന്ന് തെരഞ്ഞെടുക്കപ്പെട്ട നാല്പതോളം അധ്യാപകര്‍ക്ക് കിറ്റ് നല്‍കി. സയ്യിദ് യഹിയ തങ്ങള്‍ ജമലുല്ലൈലി അധ്യക്ഷനായി. കോയക്കുട്ടി ഉസ്താദ് അനുസ്മരണ പ്രഭാഷണം നൗഷാദ് ചെട്ടിപ്പടി നിര്‍വഹിച്ചു. അനീസ് ഫൈസി മാവണ്ടിയൂര്‍ , മന്‍സൂര്‍ അഷ്‌റഫി, പി.വി ശൈഖാലി ചിറമംഗലം, എ.പി.കെ തങ്ങള്‍, സൈതലവി ഫൈസി, കെ.സി അബ്ദല്‍മജീദ്, പി.പി നൗഷാദ് സംസാരിച്ചു.