ശ്രീനഗര്‍: ജമ്മു കശ്മിരില്‍  മഞ്ഞുമലയിടിഞ്ഞ് സൈനികനടക്കം അഞ്ച് പേർ മരിച്ചു.കാണാതായ എട്ട് സൈനികരെ രക്ഷാപ്രവർത്തകർ കണ്ടെത്തി.സോനാമാര്‍ഗില്‍ നിയന്ത്രണ രേഖയ്ക്ക് സമീപത്തുള്ള ആര്‍മി ക്യാംപിന് നേരെയാണ് മഞ്ഞുമല ഇടിഞ്ഞുവീണത്. മരിച്ച സൈനികന്റെ മൃതദേഹം കണ്ടെത്തി.

നിയന്ത്രണരേഖയ്ക്കു സമീപം ഗുരെസ് സെക്ടറിലുണ്ടായ മഞ്ഞുവീഴ്ചയിലാണ് ഒരു കുടുംബത്തിലെ നാലുപേർ മരിച്ചത്. ഇവരുടെ വീടിനു മുകളിലേക്ക് മഞ്ഞുമല ഇടിഞ്ഞു വീഴുകയായിരുന്നു. 

 മരണസംഖ്യ ഉയരാനാണ് സാധ്യത.മഞ്ഞുവീഴ്ചയെ തുടര്‍ന്ന് ശ്രീനഗര്‍ എയര്‍പോര്‍ട്ടില്‍നിന്നുള്ള വിമാനങ്ങള്‍ റദ്ദാക്കിയിട്ടുണ്ട്.

കഴിഞ്ഞ വര്‍ഷം സിയാച്ചിനിലുണ്ടായ മഞ്ഞിടിച്ചിലില്‍ 11 സൈനികരാണ് കൊല്ലപ്പെട്ടത്.