കോഴിക്കോട്: റെയില്‍വേ സ്‌റ്റേഷന്റെ സമഗ്ര ചരിത്രം ഉള്‍ക്കൊള്ളിച്ചു കൊണ്ടുള്ള കലണ്ടര്‍ പാലക്കാട് ഡിവിഷണല്‍ റെയില്‍ മാനേജര്‍ നരേഷ്‌ലാല്‍വാനി പ്രകാശനം ചെയ്തു. ഒളിംപ്യന്‍ പി.ടി ഉഷ ആദ്യ കോപ്പി ഏറ്റുവാങ്ങി. റെയില്‍വേ സ്റ്റേഷന്‍ സ്ഥാപിതമായത് മുതല്‍ ഇന്നു വരെയുള്ള ചരിത്രങ്ങളും ചിത്രങ്ങളും അനുബന്ധ രേഖകളും ഉള്‍ക്കൊള്ളിച്ചു പൊതു സ്വഭാവത്തിലാണ് കലണ്ടര്‍ രൂപകല്‍പന ചെയ്തിട്ടുള്ളത്.
റെയില്‍വേ ഇന്‍സ്റ്റിറ്റ്യൂട്ട് പുറത്തിറക്കിയ കലണ്ടര്‍ മലബാര്‍ ക്രിസ്ത്യന്‍ കോളജ് ചരിത്ര വിഭാഗം അസിസ്റ്റന്റ് പ്രൊഫസര്‍ ഡോ. ഷിനോയ് ജെസിന്താണ് നിര്‍മിച്ചത്. ചടങ്ങില്‍  റെയില്‍ ഇന്‍സ്റ്റിറ്റ്യൂട്ട് ചെയര്‍പേഴ്‌സണ്‍ ഡോ.കെ വത്സല അധ്യക്ഷനായി. കെ.കെ വിനോദ്, കെ.ടി രഞ്ജിത്ത്, കെ.എസ് രാജേഷ്, ഡോ. ഒലിവര്‍നൂണ്‍ സംസാരിച്ചു.