കോഴിക്കോട്: കെ.എസ്.ആര്‍.ടി.സിയെ ജനകീയമാക്കി വരുമാനം വര്‍ധിപ്പിക്കാനുള്ള കോര്‍പറേഷന്റെ ട്രാവല്‍ കാര്‍ഡിന് കോഴിക്കോട്ടും മികച്ച പ്രതികരണം. ഇന്നലെ ഉച്ചക്ക് 12 മണി മുതലാണ് കോഴിക്കോട് കെ.എസ്.ആര്‍.ടി.സി ബസ് സ്റ്റാന്‍ഡില്‍ കാര്‍ഡ് വിതരണം തുടങ്ങിയത്.
3,000 രൂപയുടെ കാര്‍ഡ് നല്‍കികൊണ്ടാണ് സ്‌റ്റേഷന്‍ മാസ്റ്റര്‍ കാര്‍ഡ് വിതരണം ഉദ്ഘാടനം ചെയ്തത്. 1,000, 1,500, 3,000, 5,000 രൂപയുടെ ട്രാവല്‍ കാര്‍ഡുകളാണ് വിതരണം ചെയ്യുന്നത്. ഇന്നലെ വൈകുന്നേരം വരെ നിരവധി പേര്‍ കാര്‍ഡ് വാങ്ങി.
കൂടുതല്‍ പേര്‍ ഇന്നുമുതല്‍ കാര്‍ഡ് വാങ്ങുമെന്നാണ് അധികൃതര്‍ കണക്കുകൂട്ടുന്നത്. ആരംഭഘട്ടത്തില്‍ ഓരോ ഡിപ്പോയിലും 150 കാര്‍ഡ് വീതമാണ് നല്‍കുക.
കാര്‍ഡ് വാങ്ങാന്‍ വരുന്നവര്‍ ഫോട്ടോപതിച്ച തിരിച്ചറിയല്‍ കാര്‍ഡ് കൊണ്ടുവരണമെന്ന് അധികൃതര്‍ അഭ്യര്‍ഥിച്ചു.