ന്യൂഡല്‍ഹി: പാക് അധീന കശ്മിരില്‍ മിന്നലാക്രമണം നടത്തിയ ജവാന്മാര്‍ക്ക് സൈനിക ബഹുമതികള്‍ പ്രഖ്യാപിച്ചു. ഓപറേഷനില്‍ പങ്കെടുത്ത നാല്, അഞ്ച് പാരാ സ്‌പെഷ്യല്‍ ഫോഴ്‌സ് റെജിമെന്റിലെ 22 സൈനികര്‍ക്കാണ് കേന്ദ്ര സര്‍ക്കാര്‍ രാഷ്ട്രപതിയുടെ വിവിധ സേന മെഡലുകള്‍ പ്രഖ്യാപിച്ചിരിക്കുന്നത്.

മിന്നലാക്രമണത്തില്‍ പങ്കെടുത്തവര്‍ ആരൊക്കെയാണെന്ന് ഇതുവരെ ഔദ്യോഗികമായി വെളിപ്പെടുത്തിയിട്ടില്ല. മിന്നലാക്രമണത്തില്‍ നേരിട്ട് പങ്കാളികളായ നാല് സ്‌പെഷ്യല്‍ പാരാ ഫോഴ്‌സ് റെജിമെന്റിലെ മേജര്‍ക്ക് രണ്ടാമത് പരമോന്നത സൈനിക ബഹുമതിയായ കീര്‍ത്തി ചക്ര നല്‍കി ആദരിച്ചു. മൂന്ന് സൈനിക ഉദ്യോഗസ്ഥര്‍ക്കും മൂന്ന് ജവാന്‍മാര്‍ക്കും മൂന്നാമത് സൈനിക ബഹുമതിയായ ശൗര്യ ചക്ര നല്‍കി ആദരിച്ചു. 14 പേര്‍ക്ക് ധീരതക്കുള്ള യുദ്ധസേവ മെഡല്‍ നല്‍കിയും രാജ്യം ആദരിക്കും.

പാക് അധീന കശ്മിരില്‍ സെപ്തംബര്‍ 29 നാണ് ഇന്ത്യന്‍ സൈന്യം മിന്നലാക്രമണം നടത്തിയത്.