ലഖ്‌നോ: നിയമസഭാ തെരഞ്ഞെടുപ്പില്‍ ഒരിടത്തും താന്‍ മത്സരിക്കുന്നില്ലെന്ന് എസ്.പി നേതാവും ഉത്തര്‍പ്രദേശ് മുഖ്യമന്ത്രിയുമായ അഖിലേഷ് യാദവ്. പാര്‍ട്ടി പ്രവര്‍ത്തകരോടാണ് അദ്ദേഹം ഇക്കാര്യം അറിയിച്ചത്.

രണ്ടു മണ്ഡലങ്ങളില്‍ നാമനിര്‍ദേശ പത്രിക സമര്‍പ്പിക്കുമെന്ന പ്രചാരണങ്ങളോട് പ്രതികരിക്കുകയായിരുന്നു അഖിലേഷ്. ഒരു ദേശീയ മാധ്യമമാണ് വാര്‍ത്ത റിപ്പോര്‍ട്ട് ചെയ്തത്. കഴിഞ്ഞ ദിവസം പാര്‍ട്ടി ഓഫിസില്‍ എസ്.പി നേതാക്കളുടെ ഒരു അടിയന്തര യോഗം വിളിച്ചു ചേര്‍ത്തിരുന്നു.

ലഖ്‌നോയിലെ സരോജിനി നഗറില്‍നിന്നു താന്‍ മത്സരിക്കുമെന്ന ചില ടി.വി ചാനലുകള്‍ വാര്‍ത്ത പ്രചരിപ്പിക്കുന്നുണ്ട്. എന്നാല്‍, താന്‍ എവിടെയും മത്സരിക്കുന്നില്ല.
2018 വരെ എം.എല്‍.സിയായി തുടരുമെന്നും മുഴുവന്‍ പാര്‍ട്ടി സ്ഥാനാര്‍ഥികള്‍ക്കും വേണ്ടി പ്രചാരണത്തിനിറങ്ങുമെന്നും അഖിലേഷ് വ്യക്തമാക്കി.