ന്യൂയോര്‍ക്ക്: ഇന്ത്യന്‍ വംശജനും അറ്റോര്‍ണിയുമായ ഉത്തംധില്ലിനെ വൈറ്റ്ഹൗസ് സുപ്രധാന തസ്തികയില്‍ നിയമിച്ചു. കഴിഞ്ഞ ദിവസം ഇറക്കിയ ഉത്തരവിലാണ് വൈറ്റ്ഹൗസ് കോണ്‍സല്‍ ഡൊണാള്‍ഡ് എഫ് മെഗെയ്ന്‍ തലവനായ പ്രസിഡന്റിന്റെ ലീഗല്‍ ടീമില്‍ ഉത്തം ധില്ലിനെ അംഗമായി നിയമിച്ച വിവരം വെളിപ്പെടുത്തിയത്.
ഹൗസ് ഓഫ് റെപ്രസന്റേറ്റീവ് ഫിനാന്‍ഷ്യല്‍ സര്‍വിസ് കമ്മിറ്റിയില്‍ അംഗമായി പ്രവര്‍ത്തിച്ചിരുന്ന ഉത്തം ഹോംലാന്റ് സെക്യൂരിറ്റി ഓഫിസ് കൗണ്ടര്‍ നാര്‍കോട്ടിക്‌സ് എന്‍ഫോഴ്‌സ്‌മെന്റ് ഡിപ്പാര്‍ട്ട്‌മെന്റ് ചീഫായും പ്രവര്‍ത്തിച്ചിരുന്നു. കലിഫോര്‍ണിയ യൂനിവേഴ്‌സിറ്റിയില്‍ നിയമബിരുദം നേടിയ ഉത്തം നിയമനത്തില്‍ പ്രസിഡന്റിന് നന്ദി പറഞ്ഞു.