ആലപ്പുഴ: മോട്ടോര്‍ വാഹനങ്ങളില്‍ മൈലേജ് കൂട്ടുന്ന പുതിയ സാങ്കേതിക വിദ്യായുമായി ട്രഡീഷണല്‍ ആള്‍ട്ടര്‍നേറ്റീവ് മെഡിസിന്‍ റിസര്‍ച്ച് സെന്റര്‍ രംഗത്ത്. സുരക്ഷിതത്വവും പരസ്ഥിതി മലിനീകരണവും ഉണ്ടാകാത്തവിധം മൂന്ന് മടങ്ങ് ശക്തി പെട്രോളില്‍ കൂട്ടുന്നതുമായ എക്‌സോട്ടിക് മെറ്റലാണ് മൈലേജ് കൂട്ടുന്നതിനായി ഈ ഗവേഷണ സ്ഥാപനം ശാസ്ത്രീയമായി വികസിപ്പിച്ചെടുത്തത്.
വാഹനങ്ങളില്‍ മൈലേജ് കൂട്ടുന്നതോടൊപ്പം പൊല്യൂഷന്‍ ഉണ്ടാകാത്ത രീതിയില്‍ ഈ മെറ്റല്‍ വാഹനത്തിന്റെ ഇന്ധനങ്ങളില്‍ ശുദ്ധിചെയ്ത് പ്രവര്‍ത്തിക്കും. എല്ലാമോഡല്‍ ബൈക്കുകളിലും പരീക്ഷിച്ച് നോക്കിയപ്പോള്‍ നൂറ് ശതമാനം വിജയമാണ് ഉണ്ടായത്. സെല്‍ഫ് റോഡ് ട്രയലില്‍ കാറുകളില്‍ പരീക്ഷിച്ച് നോക്കിയപ്പോള്‍ എന്‍ജിനില്‍നിന്ന് നിയന്ത്രിതമായ രീതിയില്‍ മാത്രമാണ് ചൂടുണ്ടായത്. കൂടാതെ നല്ല മൈലേജും ഉണ്ടാകുന്നതായി വ്യക്തമായി.
ആഗോള താപനത്തെ ചെറുക്കുന്നതോടൊപ്പം യുദ്ധ വിമാനങ്ങളില്‍ ഈ മെറ്റല്‍ ഉപയോഗിച്ചാല്‍ ദീര്‍ഘദൂരം എന്‍ജിന്‍ ചൂടാകാതെ അമിത വേഗത്തില്‍ ലക്ഷ്യത്തിലെത്തുവാനും സാധിക്കും. കൂടാതെ വ്യവസായ സ്ഥാപനങ്ങളില്‍ ഡീസല്‍ ഉപയോഗിച്ച് പ്രവര്‍ത്തിക്കുന്ന ജനറേറ്ററുകളില്‍ പൊല്യൂഷന്‍ ഇല്ലാതെ ഇന്ധനലാഭത്തോടെ പ്രവര്‍ത്തിക്കാനും ഈ മെറ്റലിലൂടെ സാധിക്കും.
ഈ മെറ്റല്‍ ഉപയോഗിച്ചുള്ള ട്രയലില്‍ വാഹനങ്ങള്‍ക്ക് യാതൊരുവിധ കംപ്ലേന്റുകളുമില്ലെന്ന് വ്യക്തമായി. ഈ സാങ്കേതിക വിദ്യ വികസിപ്പിച്ചത് ശാസ്ത്രജ്ഞന്മാരായ രാമകൃഷ്ണന്‍ മധുസൂദനും രഘുനാഥും ചേര്‍ന്നാണ്.
പരിസ്ഥിതി സംരക്ഷണത്തിന്റെ ഭാഗമായി പഴയ വാഹനങ്ങള്‍ നിരത്തില്‍ നിന്ന് മാറ്റുന്നതോടൊപ്പം സര്‍ക്കാര്‍ വാഹനങ്ങളില്‍ ഈ ടെക്‌നോളജ് പരീക്ഷിച്ച് നോക്കിയാല്‍ സമ്പത്തിക നഷ്ടങ്ങള്‍ ഇല്ലാതാക്കാന്‍ നൂറ് ശതമാനം കഴിയുമെന്ന് അധികൃതര്‍ അറിയിച്ചു. വാര്‍ത്താസമ്മേളനത്തില്‍ രഘുനാഥ്, ശ്രീരാജ് എന്നിവര്‍ പങ്കെടുത്തു.