കിളിമാനൂര്‍ : ശ്രമദാനവുമായി നാട്ടുകാര്‍ രംഗത്തിറങ്ങിയതോടെ റോഡിന്റെ വീതി ഇരട്ടിയായി. പഴയകുന്നുമ്മേല്‍ ഗ്രാമ പഞ്ചായത്തിലെ മൂന്നാം വാര്‍ഡിലെ ചെമ്പകശ്ശേരി പോട്ടലില്‍ റോഡിനു വേണ്ടിയാണ് നാട്ടുകാര്‍ ശ്രമദാനവുമായെത്തിയത്. നാലുമീറ്റര്‍ മാത്രം വീതിയുണ്ടായിരുന്ന റോഡ് അങ്ങനെ എട്ടു മീറ്ററായി. അഞ്ഞൂറ് മീറ്ററോളം നീളത്തില്‍ റോഡ് പുനരുദ്ധരിച്ചു. കരാര്‍ നല്‍കിയാല്‍ രണ്ടു ലക്ഷം രൂപയോളം ചിലവാകുമായിരുന്ന പണിയാണിത്. വാര്‍ഡ് മെമ്പര്‍ കെ.എസ്.ഷിബു നേതൃത്വം നല്‍കി.