നേമം: പ്രണായാഭ്യര്‍ഥന നിരസിച്ചതിലുളള വിരോധം കാരണം യുവതിയെ മര്‍ദിച്ചവശയാക്കിയ യുവാവിനെ നേമം പൊലിസ് അറസ്റ്റ് ചെയ്തു.
തിരുവല്ലം പരശുരാമക്ഷേത്രത്തിനു സമീപം ഒപ്പാനമഠം വീട്ടില്‍ അരുണ്‍കുമാറാ (23) ണ് പിടിയിലായത്. പാപ്പനംകോട് സ്വദേശിനിയായ യുവതിയുടെ വീട് കയറി ആക്രമിച്ച പ്രതി കൈയ്യില്‍ കരുതിയിരുന്ന ഇരുമ്പ് കമ്പി കൊണ്ട് യുവതിയെ ദേഹോപദ്രവം ഏല്‍പ്പിക്കുകയും വസ്ത്രങ്ങള്‍ വലിച്ച് കീറുകയും യുവതിയുടെ ബന്ധുവിന്റെ കാര്‍ അടിച്ചു തകര്‍ക്കുകയും ചെയ്തു. ശേഷം ഒളിവില്‍ പോയ പ്രതിയെ നേമം സി.ഐ ദിലീപ്കുമാര്‍ ദാസിനു
ലഭിച്ച രഹസ്യ വിവരത്തിന്റെ അടിസ്ഥാനത്തില്‍ എസ്.ഐ കെ.എല്‍.സമ്പത്ത് , എസ്.സി.പി.ഒ ടി.സജീവ്കുമാര്‍ , സി.പി.ഒമാരായ ബിമല്‍മിത്ര , ബി.ജെ.ഗിരി , അനൂപ് എന്നിവരുള്‍പ്പെട്ട സംഘമാണ് പിടികൂടിയത്.