ന്യൂഡല്‍ഹി: യാത്രക്കാരിക്ക് ഹൃദയസ്തംഭനം അനുഭവപ്പെട്ടതിനെ തുടര്‍ന്ന് എയര്‍ ഇന്ത്യാ വിമാനം അടിയന്തരമായി ഇറക്കി. രാജ്‌കോട്ടില്‍ നിന്നും ഡല്‍ഹിയിലേക്ക് പോകുകയായിരുന്ന വിമാനമാണ് രാവിലെ 11.30 ഓടെ സഗനീര്‍ വിമാനത്താവളത്തില്‍ ഇറക്കിയത്.

ഭര്‍ത്താവിനോടൊപ്പം സഞ്ചരിക്കുകയായിരുന്ന സിമ എന്ന യുവതിക്കാണ് ഹൃദയാഘാതം അനുഭവപ്പെട്ടത്. യുവതിയെ സ്വകാര്യ ആശുപത്രിയില്‍ പ്രവേശിപ്പിച്ചു. എന്നാല്‍ യുവതിയുടെ ജീവന്‍ രക്ഷിക്കാനായില്ലെന്ന് എയര്‍പോര്‍ട്ട് അധികൃതര്‍ പിന്നീട് അറിയിച്ചു.