തേഞ്ഞിപ്പലം: നാല് വര്‍ഷത്തിന് ശേഷം കാലിക്കറ്റ് സര്‍വകലാശാല യൂനിയന്‍ ഭരണം എസ്.എഫ്.ഐ തിരിച്ചുപിടിച്ചു. ഇന്നലെ നടന്ന തെരഞ്ഞെടുപ്പിലാണ് എസ്.എഫ്.ഐ യു.ഡി.എസ്.എഫിനെ വ്യക്തമായ ഭൂരിപക്ഷത്തില്‍ തോല്‍പ്പിച്ചത്.
ചെയര്‍മാനായി ശരത് പ്രസാദ് (ജെ.പി.ഇ ട്രെയിനിംഗ് കോളജ് -കൂര്‍ക്കഞ്ചേരി) വൈസ് ചെയര്‍മാന്‍ അജയ്‌ലാല്‍ എം(മലബാര്‍ ക്രിസ്ത്യന്‍ കോളജ് കോഴിക്കോട്) വനിത വൈസ് ചെയര്‍ പേഴ്‌സണ്‍ സജിത ഇ.എം(എം.ഇ.എസ് കെ.വി.എം കോളജ് വളാഞ്ചേരി), ജനറല്‍ സെക്രട്ടറി നീരജ് എ.എന്‍(എസ്.എന്‍.ജി.എസ്.സി പട്ടാമ്പി) ജോ:സെക്രട്ടറിയായി മുഹമ്മദ് ഷെറിന്‍ (ശ്രീ കൃഷ്ണ കോളജ് ഗുരുവായൂര്‍) എന്നിവരെ തെരഞ്ഞെടുത്തപ്പോള്‍ കോഴിക്കോട്, മലപ്പുറം ജില്ലാ പ്രതിനിധികളുടെ സീറ്റില്‍ മാത്രമെ യു.ഡി.എസ്.എഫിന് വിജയിക്കാനായുളളൂ.
ആകെയുണ്ടായിരുന്ന 374 വോട്ടില്‍ 371 ഉം പോള്‍ ചെയ്തു.
മല്‍സര ഫലത്തിന് ശേഷം എസ്.എഫ്.ഐ പ്രവര്‍ത്തകര്‍ സര്‍വകലാശാലയില്‍ ആഹ്ലാദ പ്രകടനം നടത്തി.