നാദാപുരം: പേരോട് എം.ഐ.എം.ഹയര്‍സെക്കന്‍ഡറി സ്‌കൂള്‍ എന്‍.എസ്.എസ്.വിദ്യാര്‍ഥികളുടെ നേതൃത്വത്തില്‍ അങ്കണവാടി വൈദ്യുതീകരിച്ചു.കുമ്മങ്കോട് കക്കാട്ടുപാറ അങ്കണവാടി കെട്ടിടത്തിലേക്കുള്ള വൈദ്യുത ഉപകരണങ്ങള്‍ കൈമാറി ഗ്രാമപഞ്ചായത്ത് പ്രസിഡണ്ടന്റ് എം.കെ.സഫീറ ഉദ്ഘാടനം ചെയ്തു. വാര്‍ഡ് മെമ്പര്‍ ബംഗ്ലത്ത് മുഹമ്മദ് അധ്യക്ഷനായി .
കുമ്മങ്കോട് സ്‌കൂളില്‍ എന്‍.എസ്.എസ് ക്യാംപിന്റെ ഭാഗമായി നടത്തിയസര്‍വേയിലാണ് വൈദ്യുതി പ്രശ്‌നം ശ്രദ്ധയില്‍പ്പെട്ടത്. എന്‍.എസ്.എസ്.വിദ്യാര്‍ഥികള്‍ സ്വരൂപിച്ച പണം കൊണ്ടണ്ട് വിദ്യാര്‍ഥികള്‍ തന്നെയാണ് വൈദ്യുതീകരിച്ചത്. സ്‌കൂള്‍ പ്രിന്‍സിപ്പല്‍ മൊയ്തു പറമ്പത്ത്,എന്‍.എസ്.എസ്.പ്രോഗ്രാം ഓഫിസര്‍ പി.പി.മനോജ്, കെ.കെ.കുഞ്ഞബ്ദുല്ല ,രഞ്ജിത്ത് മുതുവടത്തൂര്‍, ഒതയോത്ത് നിസാര്‍ സംസാരിച്ചു.