കുറ്റ്യാടി: പഞ്ചായത്തിലെ നിട്ടൂരിനടുത്ത് കക്കട്ട് പീടികയിലുണ്ടായ ബോബേറില്‍ സി.പി.എമ്മിന്റെയും ബി.ജെ.പിയുടെയും കൊടിമരവും സ്തുപവും തകര്‍ത്തു. ഞായറാഴ്ച രാത്രി പന്ത്രണ്ടോടെയാണ് ബി.ജെ.പിയുടെ കൊടിമരവും ഒരുമണിയോടെ സ്തൂപവും ബോംബോറില്‍ തകര്‍ത്തത്. സ്തൂപം ഭാഗികമായി തകര്‍ന്നു.
സ്റ്റീല്‍ ബോംബിന്റെ അവശിഷ്ടങ്ങള്‍ സംഭവസ്ഥലത്തുനിന്നും പൊലിസ് കണ്ടെടുത്തു. സമാധാനം നിലനില്‍ക്കുന്ന പ്രദേശങ്ങളില്‍ ബോധപൂര്‍വം കുഴപ്പങ്ങള്‍ ഉണ്ടാക്കാനുള്ള സാമുഹ്യവിരുദ്ധരുടെ ശ്രമമാണ് സംഭവത്തിന് പിന്നിലെന്ന് സംശയിക്കുന്നു. കുറ്റ്യാടി പൊലിസ് കേസെടുത്തു.