കോഴിക്കോട്: വേനല്‍മഴ ലഭിച്ചിട്ടും പലയിടത്തും കുടിവെള്ളക്ഷാമത്തിന് ഇതുവരെ പരിഹാരമായില്ല. ശക്തമായ മഴ ലഭിക്കാത്തതിനാല്‍ കുടിവെള്ള സ്രോതസുകള്‍ വറ്റിവരണ്ട നിലയിലാണ്. ഇതിനാല്‍ ജില്ലയില്‍ പലയിടത്തും പഞ്ചായത്തുകളും മുനിസിപ്പാലിറ്റികളും എത്തിച്ചുനല്‍കുന്ന വെള്ളത്തെ ആശ്രയിച്ചാണ് ജനങ്ങള്‍ ജീവിക്കുന്നത്. മഴയുടെ കുറവുകാരണം ചൂടും അസഹ്യമാണ്. രാവിലെ ഒന്‍പത് മുതല്‍ വൈകിട്ട് അഞ്ചുവരെ പുറത്തിറങ്ങാന്‍ കഴിയാത്ത വിധത്തിലുള്ള വെയിലാണുള്ളത്. അതേസമയം മലയോര മേഖലയില്‍ ഇടവിട്ട് മഴ ലഭിക്കുന്നുണ്ട്. എങ്കിലും കുടിവെള്ള ക്ഷാമത്തിന് കാര്യമായ പരിഹാരം ഉണ്ടായിട്ടില്ലെന്നും നാട്ടുകാര്‍ പറയുന്നു. പലയിടത്തും കിണറുകളില്‍ ഒരുതുള്ളി വെള്ളംപോലുമില്ലാത്ത അവസ്ഥയിലാണ്.