മലപ്പുറം: സുന്നി മഹല്ല് ഫെഡറേഷന്‍ സംസ്ഥാന കമ്മിറ്റിക്കു കീഴില്‍ നടന്നുവരുന്ന ഇസ്‌ലാമിക് പാരന്റിങ് കോഴ്‌സ് ജില്ലയിലെ മുഴുവന്‍ പഞ്ചായത്തുകളിലും സമയബന്ധിതമായി നടത്താന്‍ ജില്ലാ എസ്.എം.എഫ് ഓര്‍ഗനൈസര്‍മാരുടെ യോഗം തീരുമാനിച്ചു. ഈ മാസം 15ന് ചെമ്മാട് ദാറുല്‍ഹുദായില്‍ നടക്കുന്ന എസ്.എം.എഫ് ജില്ലാ വര്‍ക്കിങ് കമ്മിറ്റിയില്‍ കോഴ്‌സിന്റെ നടത്തിപ്പുമായി ബന്ധപ്പെട്ട രൂപരേഖ പുറത്തിറക്കും.
22ന് ജില്ലാ ആര്‍.പിമാരുടെയും ഓര്‍ഗനൈസര്‍മാരുടെയും സിറ്റിങ് നടക്കും. സ്റ്റേറ്റ്, ജില്ലാതലങ്ങളില്‍ കോഴ്‌സിന്റെ ഉദ്ഘാടനം നടന്ന ശേഷം നിലവില്‍ മേഖല തലങ്ങളില്‍ കോഴ്‌സിന്റെ ഓറിയന്റേഷന്‍ നടക്കുകയാണ്. യോഗത്തില്‍ എ.കെ ആലിപ്പറമ്പ്, ടി.എച്ച് അബ്ദുല്‍ അസീസ് മുസ്‌ലിയാര്‍, ഇസ്മാഈല്‍ ഹുദവി ചെമ്മാട്, വിവിധ മേഖലാ ഓര്‍ഗനൈസര്‍മാര്‍ പങ്കെടുത്തു.