തിരുവനന്തപുരം:കെ.എസ്.ആര്‍.ടി.സി ജീവനക്കാര്‍ നാളെ പണിമുടക്കും. ഗതാഗതമന്ത്രി എ.കെ ശശീന്ദ്രന്‍ യൂണിയന്‍ പ്രതിനിധികളുമായി നടത്തിയ ചര്‍ച്ച പരാജയപ്പെട്ടതോടെയാണ് പണിമുടക്കുമായി മുന്നോട്ട് പോകാന്‍ തീരുമാനമായത്.

പ്രശ്‌നപരിഹാരത്തിന് മന്ത്രി മുന്നോട്ടുവച്ച നിര്‍ദേശങ്ങളില്‍ തൃപ്തരാകാതെ ചര്‍ച്ചയ്‌ക്കെത്തിയ യൂണിയന്‍ പ്രതിനിധികള്‍ യോഗത്തില്‍ നിന്നും ഇറങ്ങിപ്പോയി.

വ്യാഴായ്ച്ച അര്‍ധരാത്രി ആരംഭിച്ച് വെള്ളിയാഴ്ച്ച അര്‍ധരാത്രിയാണ് പണിമുടക്ക് അവസാനിക്കുക. കഴിഞ്ഞ മാസത്തെ ശമ്പളവും പെന്‍ഷനും മുടങ്ങിയതില്‍ പ്രതിഷേധിച്ചാണ് ജീവനക്കാര്‍ പണിമുടക്കിന് ആഹ്വാനം ചെയ്തിരിക്കുന്നത്. കോണ്‍ഗ്രസ് അനുകൂല ട്രാന്‍സ്‌പോര്‍ട്ട് ഡെമോക്രാറ്റിക് ഫെഡറേഷന്‍, ബിഎംഎസിന്റെ ട്രാന്‍സ്‌പോര്‍ട്ട് എംപ്ലോയീസ് സംഘ്, എംപ്ലോയിസ് യൂണിയന്‍ എന്നിവയാണ് പണിമുടക്കുന്നത്.