രാമപുരം: ദേശീയപാത മലപ്പുറം-പെരിന്തല്‍മണ്ണ റൂട്ടില്‍ കെ.എസ്.ആര്‍.ടി.സി ബസ്സും ട്രാക്റ്ററും കൂട്ടിയിടിച്ച് ഒരു മണിക്കൂറോളം ഗതാഗതം തടസ്സപെട്ടു. ട്രാക്റ്റര്‍ ഡ്രൈവര്‍ അല്‍ഭുതകരമായി രക്ഷെപ്പട്ടു. നിരവധി പേര്‍ക്ക് പരുക്കേറ്റിട്ടുണ്ട്. ആരുടേയും പരുക്ക് ഗുരുതരമല്ല.

അപകടത്തില്‍ ട്രാക്ടര്‍ പൂര്‍ണമായും തകര്‍ന്നു. രാമപുരം എം.എല്‍.എ ഓഫിസിന് മുന്‍പില്‍ ഇന്നു ഉച്ചയോടെയാണ് അപകടം. ക്രെയിനുപയോഗിച്ചാണ് വാഹനങ്ങള്‍ റോഡില്‍ നിന്നും മാറ്റിയത്.
അപകടത്തെത്തുടര്‍ന്ന് ഈ റൂട്ടിലെ ഗതാഗതം പൂര്‍ണമായും നിലച്ചിരുന്നു. ഇതോടെ ദീര്‍ഘദൂര വാഹനങ്ങളും യാത്രക്കാരും ദുരിതത്തിലായി. മങ്കട പൊലിസും നാട്ടുകാരും രക്ഷാപ്രവര്‍ത്തനത്തിന് നേതൃത്വം നല്‍കി.