കോഴിക്കോട്: കേരള ബാഖവി മജ്‌ലിസുല്‍ ഉലമയുടെ ആഭിമുഖ്യത്തില്‍ നടത്തുന്ന ബാഖിയാത്ത് ബാനി ഹസ്രത്തിന്റെ അനുസ്മരണവും ബാഖവി പണ്ഡിത സംഗമവും ജനുവരി 10 രാവിലെ 10ന് കോഴിക്കോട് മാനാഞ്ചിറ സ്‌പോര്‍ട്‌സ് കൗണ്‍സില്‍ ഹാളില്‍ നടക്കും. കേരള ബാഖവി മജ്‌ലിസുല്‍ ഉലമ പ്രസിഡന്റ് മൗലാനാ സഈദലി ഹസ്രത്തിന്റെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. മുത്വലാഖ് തുടങ്ങിയ ആനുകാലി വിഷയങ്ങള്‍ ചര്‍ച്ച ചെയ്യും. ആദൃശ്ശേരി ഹംസക്കുട്ടി ബാഖവി (ഖബര്‍ സിയാറത്ത് ഖുര്‍ആനിലൂടെ), മുഹമ്മദ് ബാഖവി മുണ്ടംപറമ്പ് (സ്ത്രീ ജുമുഅ ജമാഅത്ത്), എ.കെ യൂസുഫ് ബാഖവി (മൗലിദ്),യു.കെ അബ്ദുല്‍ ലത്തീഫ് ബാഖവി (തൗഹീദ്) എന്നിവര്‍ ക്ലാസെടുക്കും.
സംഘാടക സമിതി യോഗത്തില്‍ എ.കെ യൂസുഫ് ബാഖവി അധ്യക്ഷനായി. കെ. അബ്ദുല്‍ ബാരി ബാഖവി ഉദ്ഘാടനം ചെയ്തു. അലി അസ്ഗര്‍ ബാഖവി, കെ. മൊയ്തീന്‍കുട്ടി ബാഖവി, മുബാറക് ബാഖവി, ഇബ്‌റാഹീം ബാഖവി എടപ്പാള്‍, പി.കെ അബ്ദുല്ല ബാഖവി, പി.ടി അബ്ദുല്ല ബാഖവി, മുഹമ്മദ് ബാഖവി കാവനൂര്‍, അശ്‌റഫ് ബാഖവി ചാലിയം പ്രസംഗിച്ചു. യു.കെ അബ്ദുല്‍ ലത്തീഫ് ബാഖവി സ്വാഗതവും ഉമര്‍ ബാഖവി നന്ദിയും പറഞ്ഞു.