കൊപ്പം: സയ്യിദുമാരുടെയും പണ്ഡിത വരേണ്യരുടെയും സാനിദ്ധ്യത്തില്‍ പുനര്‍ നിര്‍മ്മിക്കപ്പെട്ട ആമയൂര്‍ മസ്ജിദുറഹ്മാന്‍ ഉദ്ഘാടന കര്‍മ്മം പാണക്കാട് സയ്യിദ് ഹൈദരലി ശിഹാബ് തങ്ങള്‍ മഗ്‌രിബ് നിസ്‌കാരത്തിന് നേതൃത്വം നല്‍കി നിര്‍വഹിച്ചു. മഹല്ല് ഖത്തീബ് സയ്യിദ് അബ്ദുറഹ്മാന്‍ ജിഫ്രി തങ്ങള്‍ അധ്യക്ഷനായി. സമസ്ത ജന: സെക്രട്ടറി കെ ആലിക്കുട്ടി മുസ്‌ലിയാര്‍, സമസ്ത മുശാവറ അംഗം സയ്യിദ് കെ.പി. സി തങ്ങള്‍ ഫൈസി, അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍, സിംസാറുല്‍ഹഖ് ഹുദവി അബൂദാബി, അബ്ദുസ്സമദ് പൂക്കോട്ടൂര്‍, സി.എ.എം.എ കരീം, സി.പി മുഹമ്മദ്, സി.കെ അബ്ദുല്ല മാസ്റ്റര്‍, സ്വലാഹുദ്ധീന്‍ ഫൈസി വല്ലപ്പുഴ പങ്കെടുത്തു.
മികച്ച ഖത്തീബിനുള്ള ഉപഹാരം ഹൈദരലി തങ്ങളില്‍ നിന്ന് സയ്യിദ് അബ്ദുറഹ്മാന്‍ ജിഫ്രി തങ്ങള്‍ ഏറ്റുവാങ്ങി. മഹല്ല് പ്രസിഡന്റ് എന്‍.പി മരക്കാര്‍ സ്വാഗതവും സെക്രട്ടറി ഇ മൊയ്തീന്‍ ഹാജി നന്ദിയും പറഞ്ഞു.