മുംബൈ: 100 രൂപ നോട്ടുകളുടെ പരിഷ്‌കരിച്ച പതിപ്പ് പുറത്തിറക്കാനൊരുങ്ങി റിസര്‍വ് ബാങ്ക് ഓഫ് ഇന്ത്യ.

2005 മഹാത്മ ഗാന്ധി സീരീസ് നോട്ടുകളോടു സമാനമായ നോട്ടുകളാണ് പുറത്തിറക്കുന്നതെന്ന് റിസര്‍വ് ബാങ്ക് അറിയിച്ചു

നമ്പര്‍ പാനലുകളില്‍ ആര്‍ എന്ന് അച്ചടിച്ചിരിക്കുന്ന നോട്ടുകളില്‍ നിലവിലെ റിസര്‍വ് ബാങ്ക് ഗവര്‍ണര്‍ ഉര്‍ജിത് പട്ടേലിന്റെ ഒപ്പ് ഉള്‍പെടുത്തിയാണ് പുറത്തിറക്കുക.

സുരക്ഷയ്ക്കായി ബ്ലീഡ് ലൈനുകളും വലിയ തിരിച്ചറിയല്‍ അടയാളങ്ങളും നോട്ട് പുറത്തിറക്കുന്ന വര്‍ഷമായ 2017 എന്നും നോട്ടിലുണ്ടാകും .

അതേസമയം പുതിയ നോട്ടുകള്‍ പുറത്തിറക്കിയാലും പഴയ 100 രൂപ നോട്ടുകളുടെ സീരീസുകള്‍ നിരോധിക്കുകയില്ലെന്ന് ആര്‍.ബി.ഐ പത്രക്കുറിപ്പില്‍ അറിയിച്ചു.

1000,500 നോട്ട് നിരോധനം വ്യാപക പ്രതിഷേധത്തിന് കാരണമായതിനാലാണ് പുതിയ 100 രൂപ നോട്ട് പുറത്തിറക്കുന്നത്‌കൊണ്ട് പഴയ നോട്ടുകള്‍ പിന്‍വലിക്കാത്തതെന്നാണ് റിപ്പോര്‍ട്ടുകള്‍