മൂവാറ്റുപുഴ: നഗരസഭയിലെ പി.പി എസ്‌തോസ് സ്മാരക മുനിസിപ്പല്‍ സ്റ്റേഡിയത്തിലെ പവലിയന്റെ രണ്ടണ്ടാം ഘട്ട നിര്‍മ്മാണ ഉദ്ഘാടനം എല്‍ദോ എബ്രഹാം എം.എല്‍.എ നിര്‍വഹിച്ചു.
സ്റ്റേഡിയത്തെ ദേശീയ കായിക മീറ്റുകളും ഫുട്‌ബോള്‍ മത്സരങ്ങള്‍ക്കും വേദിയാക്കാനുള്ള കര്‍മ്മ പദ്ധതികള്‍ക്ക് രൂപം നല്‍കുമെന്ന് എം.എല്‍.എ പറഞ്ഞു. നഗരസഭാ ചെയര്‍പേഴ്‌സണ്‍ ഉഷ ശശീധരന്‍ അധ്യക്ഷത വഹിച്ചു.
മുന്‍ എം.എല്‍.എ ജോസഫ് വാഴയ്ക്കന്‍ മുഖ്യപ്രഭാഷണം നടത്തി. 50-ഫുട്‌ബോള്‍ ക്ലബ്ബുകള്‍ക്കുള്ള ഫുട്‌ബോള്‍ വിതരണം മുന്‍എംഎല്‍എ ജോണി നെല്ലൂര്‍ നിര്‍വഹിച്ചു.
വൈസ് ചെയര്‍മാന്‍ പി.കെ.ബാബുരാജ്, മുന്‍ മുനിസിപ്പല്‍ ചെയര്‍മാന്‍മാരായ എം.എ.സഹീര്‍, യു.ആര്‍.ബാബു, മേരി ജോര്‍ജ് തോട്ടം, സിപിഎം ഏരിയ സെക്രട്ടറി എം.ആര്‍.പ്രഭാകരന്‍, നഗരസഭാ സ്റ്റാന്റിങ് കമ്മിറ്റി ചെയര്‍മാന്‍മാരായ സി.എം സീതി, ഉമാമത്ത് സലീം, രാജി ദിലീപ്, പ്രമീള ഗിരീഷ് കുമാര്‍, വാര്‍ഡ് കൗണ്‍സിലര്‍ ഷൈല അബ്ദുള്ള, നഗരസഭാ പ്രതിപക്ഷ നേതാവ് കെ.എ അബ്ദുല്‍ സലാം, നഗരസഭാ സെക്രട്ടറി വി.പി.ഷിബു എന്നിവര്‍ പ്രസംഗിച്ചു. പവലിയന്‍ നിര്‍മ്മാണത്തിനായി 1.21-കോടി രൂപയാണ് അനുവദിച്ചിരിക്കുന്നത്.