പാലാ: സര്‍ക്കാര്‍ ഖജനാവ് കൊള്ളയടിക്കാന്‍ മാത്രമായി പ്രവര്‍ത്തിക്കുന്ന പാമ്പാര്‍ പ്രോജക്ട്‌സ് ഓഫീസ് നിര്‍ത്തലാക്കണം.
ഒരിക്കലും നടക്കാത്ത മീനച്ചില്‍ നദീതട പദ്ധതിയുടെ ചുവടുപിടിച്ച് 2008-ല്‍ രൂപീകരിച്ച പാമ്പാര്‍ ഓഫീസ് പിരിച്ചുവിട്ട് ജീവനക്കാരെ മറ്റ് സര്‍ക്കാര്‍ ഓഫീസുകളിലേക്ക് മാറ്റി നിയമിച്ച് സര്‍ക്കാരിന് ഉണ്ടാകുന്ന കോടികളുടെ നഷ്ടം ഒഴിവാക്കണമെന്ന് ആവശ്യപ്പെട്ട് ജലവിഭവ വകുപ്പ് മന്ത്രിക്ക് നിവേദനം നല്‍കുന്നതിന് ജനതാദള്‍ (എസ്) പാലാ മണ്ഡലം കമ്മറ്റി തീരുമാനിച്ചു. പ്രസിഡന്റ് സിബി തോട്ടുപുറത്തിന്റെ അധ്യക്ഷനായിരുന്നു.
യോഗം മുന്‍മന്ത്രി എന്‍.എം. ജോസഫ് ഉദ്ഘാടനം ചെയ്തു. യോഗത്തില്‍ സോജന്‍ ഇല്ലിമൂട്ടില്‍, ഡോ. തോമസ് സി. കാപ്പന്‍, ജോസഫ് കിഴക്കേക്കര, അഡ്വ. വി.എല്‍. സെബസ്റ്റ്യന്‍, റ്റി.എസ്. സുരേഷ്, ജോസ് പുതുമന എന്നിവര്‍ സംസാരിച്ചു.