മട്ടാഞ്ചേരി: തോപ്പുംപടി ബിവറേജസ് കോര്‍പ്പറേഷന്റെ ചില്ലറ മദ്യ വില്‍പന ശാലയില്‍ മദ്യം വാങ്ങുന്നതിനായി എത്തിയ എഴുപതുകാരനെ ജീവനക്കാര്‍ സംഘം ചേര്‍ന്ന് മര്‍ദിച്ചതായി പരാതി. കണ്ണമാലി സെന്റ് മേരീസ് ഹൈസ്‌ക്കൂളിന് സമീപം മൂഴിയാങ്കല്‍ വീട്ടില്‍ എന്‍.ജി ജോസഫിനാണ് മര്‍ദനമേറ്റത്. ഇന്നലെ ഉച്ചയ്ക്ക് മൂന്ന് മണിക്കാണ് സംഭവം.
മദ്യം വാങ്ങിയ പണവുമായി ബന്ധപ്പെട്ട തര്‍ക്കമാണത്രേ മര്‍ദനത്തിന് കാരണമായത്. തോളെല്ലിന് ഗുരുതരമായി പരുക്കേറ്റ ജോസഫിനെ കരുവേലിപ്പടി സര്‍ക്കാര്‍ ആശുപത്രിയില്‍ പ്രവേശിപ്പിച്ചു. സംഭവത്തില്‍ നാല് ജീവനക്കാര്‍ക്കെതിരേ തോപ്പുംപടി പൊലിസ് കേസെടുത്തിട്ടുണ്ട്.