കൊച്ചി: ദേവസ്വം നിയമന ബോര്‍ഡ് പിരിച്ചുവിടുന്നു. ബോര്‍ഡ് പിരിച്ചുവിടാനുള്ള നടപടികള്‍ തുടങ്ങിയാതായി ദേവസ്വം മന്ത്രി കടകംപള്ളി സുരേന്ദ്രന്‍ പറഞ്ഞു. ഇനി ബോര്‍ഡ് വഴിയുള്ള നിയമനങ്ങള്‍ ഉണ്ടാകില്ലെന്നും അതെല്ലാം പി.എസ്.സി വഴിയായിരിക്കുമെന്നും മന്ത്രി പറഞ്ഞു. ദേവസ്വം നിയമന ബോര്‍ഡിന്റെ പ്രവര്‍ത്തനങ്ങളില്‍ വന്‍ അഴിമതി ആരോപണം നേരിട്ടിരുന്നു. ഈ സാഹചര്യത്തിലാണ് ബോര്‍ഡ് പിരിച്ചുവിടാന്‍ എല്‍.ഡി.എഫ് സര്‍ക്കാര്‍ തീരുമാനിച്ചത്.
കഴിഞ്ഞ യു.ഡി.എഫ് സര്‍ക്കാരാണ് ദേവസ്വം നിയമന ബോര്‍ഡ് രൂപീകരിച്ചത്. മുന്‍ ഡി.ജി.പി ചന്ദ്രശേഖരനാണ്‌ നിലവില്‍ ദേവസ്വം നിയമന ബോര്‍ഡിന്റെ ചെയര്‍മാന്‍.