തിരുവനന്തപുരം: ലോ അക്കാദമിയിലെ സമരം പെണ്‍കുട്ടികളുടെ കരുത്തിന്റെ പ്രതീകമാണെന്ന് മുതിര്‍ന്ന കോണ്‍ഗ്രസ് നേതാവ് എ.കെ ആന്റണി. ലോ അക്കാദമിക്ക് മുന്നില്‍ കെ. മുരളീധരന്റെ നിരാഹാരസമര പന്തല്‍ സന്ദര്‍ശിച്ചു സംസാരിക്കുകയായിരുന്നു അദ്ദേഹം. വിദ്യാര്‍ഥികള്‍ക്ക് സര്‍ക്കാരില്‍ നിന്നു നീതി ലഭിക്കില്ലെന്ന് ഉറപ്പായതോടെയാണു മുരളീധരന്‍  നിരാഹാരസമരം ആരംഭിച്ചതെന്നും അദ്ദേഹം പറഞ്ഞു. പ്രശ്‌നത്തെ രാഷ്ട്രീയ മുതലെടുപ്പിന് ഉപയോഗിക്കാന്‍ ശ്രമിക്കാതിരുന്ന മുരളീധരന്റെ  പക്വതയെ അഭിനന്ദിക്കുന്നുവെന്നും വിദ്യാര്‍ഥികളുടെ സമരവും ഉപവാസസമരവും പൂര്‍ണമായും വിജയിക്കുമെന്ന പ്രതീക്ഷയാണ് തനിക്കുള്ളതെന്നും എ.കെ ആന്റണി പറഞ്ഞു.