ട്രിച്ചി: വിമാനത്താവളം വഴികടത്താന്‍ ശ്രമിച്ച 31 ലക്ഷം രൂപ വിലവരുന്ന 1.024 കിലോ സ്വര്‍ണം റവന്യൂ ഇന്റലിജന്‍സ് വിഭാഗം പിടിച്ചെടുത്തു. ഇതുമായി ബന്ധപ്പെട്ട് രണ്ടുപേരെ അറസ്റ്റ് ചെയ്തിട്ടുണ്ട്.  ക്വാലാലംപൂരില്‍ നിന്നും എയര്‍ ഇന്ത്യ എക്‌സ്പ്രസില്‍ ട്രിച്ചി വിമാനത്താവളത്തില്‍ വന്നിറങ്ങിയതാണ് ഇവര്‍. ഇവരുടെ ബാഗേജ് പരിശോധിച്ചപ്പോഴാണ് സ്വര്‍ണം കണ്ടെടുത്തത്.


ഭിന്നലിംഗക്കാര്‍ക്ക് സൗജന്യമായി ഭൂമി അനുവദിക്കും

ഭുവനേശ്വര്‍: ഭിന്ന ലിംഗക്കാര്‍ക്ക് വീടുവയ്ക്കാന്‍ സൗജന്യമായി ഭൂമി അനുവദിക്കാന്‍ സര്‍ക്കാര്‍ തീരുമാനിച്ചു. സംസ്ഥാനത്ത് ഏതാണ്ട് 10,000 ഭിന്ന ലിംഗക്കാരാണ് ഭൂമിയില്ലാത്തവരായി കണ്ടെത്തിയിട്ടുള്ളത്. 1983ലെ ലാന്‍ഡ് സെറ്റില്‍മെന്റ് നിയമപ്രകാരമാണ് ഇവര്‍ക്ക് ഭൂമി അനുവദിക്കാന്‍ സര്‍ക്കാര്‍ തീരുമാനിച്ചത്.