കാബൂള്‍: കനത്ത ഹിമപാതത്തെ തുടര്‍ന്ന് അഫ്ഗാനിസ്ഥാനിലും പാകിസ്താനിലും നിരവധി മരണം. രണ്ടു ദിവസത്തിനിടെ വടക്കന്‍ അഫ്ഗാനിസ്ഥാനിലെ ബദക്ഷന്‍ പ്രവിശ്യയില്‍ 19 പേര്‍ മരിക്കുകയും 17 പേര്‍ക്ക് പരുക്കേല്‍ക്കുകയും ചെയ്തു. അഫ്ഗാന്‍ തലസ്ഥാനമായ കാബൂളിലും കനത്ത മഞ്ഞുവീഴ്ചയുണ്ട്.
നിരവധി വീടുകളുടെ മേല്‍ക്കൂരകള്‍ മഞ്ഞുപാളി വീണ് തകര്‍ന്നു. റോഡ് അപകടങ്ങളും പതിവാണെന്ന് പ്രവിശ്യാ ഗവര്‍ണറുടെ വക്താവ് പറഞ്ഞു. പ്രവിശ്യയിലെ 12 ജില്ലകളില്‍ സ്ഥിതി രൂക്ഷമാണ്. കാബൂള്‍-കാണ്ഡഹാര്‍ ഹൈവേയിലും ഗതാഗതം തടസ്സപ്പെട്ടു.