ചെറുവത്തൂര്‍: പിലിക്കോട് വേങ്ങക്കോട്ട് ഭഗവതീ ക്ഷേത്രം പെരുങ്കളിയാട്ടത്തിനു തിരിതെളിഞ്ഞു. രയരമംഗലം ഭഗവതി ക്ഷേത്രത്തില്‍ നിന്നു ദീപവും തിരിയും എഴുന്നള്ളിച്ചതോടെയാണ് ആറു നാള്‍ നീളുന്ന കളിയാട്ടത്തിനു തുടക്കമായത്. ആദ്യ ദിനം വിവിധ തെയ്യക്കോലങ്ങളുടെ തോറ്റങ്ങള്‍ അരങ്ങിലെത്തി. ഇന്നു രാവിലെ ഏഴുമുതല്‍ വൈരാപുരത്തു വടക്കന്‍ കോടി, രക്തചാമുണ്ടി , അങ്കക്കുളങ്ങര ഭഗവതി, മേച്ചേരി ചാമുണ്ടി, വിഷ്ണുമൂര്‍ത്തി, ആയിറ്റി ഭഗവതി, ഗുളികന്‍ എന്നീ തെയ്യങ്ങള്‍ അരങ്ങിലെത്തും.
കളിയാട്ട ഭാഗമായി അഖിലേന്ത്യാ പ്രദര്‍ശനവും എല്ലാദിവസവും രാത്രി വിവിധ കലാപരിപാടികളും നടന്നു വരുന്നു.
ഇന്നു വൈകുന്നേരം ആറിനു നടക്കുന്ന സാംസ്‌കാരിക സമ്മേളനം മലയാള സര്‍വകലാശാല മുന്‍വൈസ് ചാന്‍സലര്‍ കെ. ജയകുമാര്‍ ഉദ്ഘാടനം ചെയ്യും. അടൂര്‍ ഗോപാലകൃഷ്ണന്‍ മുഖ്യാതിഥിയായിരിക്കും. അഞ്ചിനു തിരുവാതിരയും അരങ്ങേറും