മഞ്ചേശ്വരം: ഹൊസങ്കടിയില്‍ റോഡരികില്‍ കാര്‍ നിര്‍ത്തി വിശ്രമിക്കുകയായിരുന്ന പാലക്കാട് സ്വദേശിയെ ഭീഷണിപ്പെടുത്തി പണം തട്ടിയ കേസില്‍ 17കാരന്‍ ഉള്‍പ്പെടെ രണ്ടു പേരെ മഞ്ചേശ്വരം എസ്.ഐ ഇ. അനൂപ് കുമാറും സംഘവും അറസ്റ്റ് ചെയ്തു. ബജങ്കളയിലെ മൊയ്തീന്‍ (21), കജെയിലെ 17കാരന്‍ എന്നിവരാണ് അറസ്റ്റിലായത്.
കാറിലെത്തി തവണ വ്യവസ്ഥയില്‍ വസ്ത്രവില്‍പന നടത്തുന്ന പാലക്കാട് സ്വദേശി ഹക്കീമിനെ ഭീഷണിപ്പെടുത്തി പണം തട്ടിയെന്നാണ് പരാതി. രണ്ടാഴ്ച മുമ്പ് രാത്രിയാണു സംഭവം. ഉള്ളാളിലെ പള്ളിയില്‍ പോയി തിരികെ മടങ്ങുമ്പോഴാണ് ഹക്കിം വിശ്രമിക്കാനായി ഹൊസങ്കടിയിലെ റോഡരികില്‍ കാര്‍ നിര്‍ത്തിയത്. അതിനിടെയാണു സ്‌കൂട്ടറിലെത്തിയ രണ്ടു പേര്‍ ഭീഷണിപ്പെടുത്തി പണം തട്ടിയത്.